បន្ទាន់! ក្រុមប្រឹក្សារដ្ឋបាលយោធាមីយ៉ាន់ម៉ា បញ្ជាឱ្យបិទស្ពានមិត្តភាពថៃ-មីយ៉ាន់ម៉ាទី២ ដែលធ្វើឱ្យទំនិញនាំចេញគពេញព្រំដែន
កាលពីថ្ងៃទី១៨ ខែសីហា អ្នកសារព័ត៌មានមកពីស្រុក Mae Sot ខេត្ត Tak បានរាយការណ៍ថា អាជ្ញាធរមីយ៉ាន់ម៉ា ក្នុងស្រុក Myawaddy រដ្ឋ Karen ប្រទេសមីយ៉ាន់ម៉ា ទល់មុខ Ban Wang Takhian Tai ភូមិ៧ ឃុំ Tha Sai Luat ស្រុក Mae Sot ខេត្ត Tak បានបិទច្រកព្រំដែន Mae Sot-Myawaddy ឆ្លងកាត់ស្ពានមិត្តភាពថៃ-មីយ៉ាន់ម៉ាទី ២ ទល់មុខ Ban Wang Takhian Tai ។ នេះបានរារាំងយានយន្ត និងទំនិញទាំងអស់មិនឱ្យឆ្លងកាត់។
ការបិទច្រកទ្វារព្រំដែននេះ គឺជាផ្លូវដ៏សំខាន់បំផុតសម្រាប់ការនាំចេញ និងនាំចូលទំនិញធំៗ ដែលតម្រូវឱ្យរថយន្តដឹកទំនិញជាច្រើនប្រភេទចូល និងចេញពីច្រកព្រំដែន។ រថយន្តដឹកទំនិញរបស់ថៃនៅម្តុំមីយ៉ាវពីមុនក៏រងផលប៉ះពាល់ដែរ។
ប្រភពពីទាហានជនជាតិភាគតិចក្នុងខេត្ត Myawaddy បានបញ្ជាក់ថា បញ្ជាបិទច្រកព្រំដែននេះ គឺមកពីបញ្ជាការខាងជើងក្នុងទីក្រុង Naypyidaw។ អាជ្ញាធរមីយ៉ាន់ម៉ាមានបំណងដាក់សម្ពាធលើការនាំចេញទៅក្នុងប្រព័ន្ធ។ នេះជាការជួយរដ្ឋបង្កើតចំណូល។ ខណៈពេលដែលប្រទេសមីយ៉ាន់ម៉ាមិនមានប្រាក់ចំណូលជាប្រវត្តិសាស្ត្រ ប្រាក់ចំណូលពាណិជ្ជកម្មតាមព្រំដែនភាគច្រើនរបស់ខ្លួនទៅឱ្យក្រុមប្រដាប់អាវុធជនជាតិផ្សេងៗ រួមទាំងកងកម្លាំងការពារព្រំដែន (BGF) ដែលជាកម្លាំងសំខាន់នៅក្នុងតំបន់។ ដូច្នេះ រដ្ឋាភិបាលមីយ៉ាន់ម៉ាបានអនុវត្តវិធានការតឹងរ៉ឹងលើទំនិញថៃ ដើម្បីរៀបចំប្រព័ន្ធឡើងវិញ និងបង្កើនចំណូលរដ្ឋ។
ថ្មីៗនេះ រដ្ឋាភិបាលមីយ៉ាន់ម៉ាបានរក្សាការបើកដំណើរការធម្មតានៃស្ពានមិត្តភាពថៃ-មីយ៉ាន់ម៉ាទីមួយ ដោយអនុញ្ញាតឱ្យពលរដ្ឋថៃ និងមីយ៉ាន់ម៉ាឆ្លងកាត់ព្រំដែនបានដូចធម្មតា និងអនុញ្ញាតឱ្យដឹកជញ្ជូនទំនិញតូចតាច ជាពិសេសទំនិញប្រើប្រាស់ក្នុងស្រុកជាធម្មតា។
របាយការណ៍ព័ត៌មានបង្ហាញថា ភាគីមីយ៉ាន់ម៉ាមិនបានជូនដំណឹងដល់អាជ្ញាធរថៃពីការបិទច្រកព្រំដែនទី ២ ទេ សូម្បីតែច្រកគយម៉ែសត។ តម្លៃនៃការនាំចេញទៅកាន់ប្រទេសមីយ៉ាន់ម៉ានាពេលថ្មីៗនេះបានធ្លាក់ចុះមកត្រឹមតែជាងមួយម៉ឺនបាតក្នុងមួយត្រីមាស គឺធ្លាក់ចុះពីជិត 50,000 បាតកាលពីមុន។
ប្រែសម្រូល៖ ហូរ មុនីវ័ន្ត
ប្រភព៖ Mitichon Online
